澳門喪食Trip @ 6-7 Aug 2011

女莊友們又有搞作, 就係去澳門。話說被困星洲的小天使要求返港渡假，我們便極速成行黎一個澳門兩日遊！
又係我呢個小秘書出動的時候，記低我們的爆笑事蹟，Ｌｅｔ’ｓ　ｇｏ！

６　Ａｕｇ　２０１１

Ｍｏｒｎｉｎｇ：出發去澳門！

約好08:15AM 齊齊去信德中心食麥當當。返工返學都無咁積極。你諗下返學上八點半是不可能的任務，如今居然挑戰08:15AM，可想而知大家有幾期待是次旅行。至於為何要食麥當當？當然是小天使的Ｓｐｅｃｉａｌ　ｏｒｄｅｒ。我絕對能體會身在星洲對有豬聊的麥當當有幾渴望！

出發喇！每次我們的ｇａｔｈｅｒｉｎｇ都會有大量的物品交收。小ｇｌａ又問下自己個ｓｔｏｃｋ　ｌｉｓｔ有啲咩...
Gla: Angel, 我係咪俾返張ezlink你? 天使: 係呀 Gla: 咁OK啦
Gla (轉向我): 咁我係咪俾返隻手指你? 我: 未呀 Gla: 咁OK啦小gla 我諗你真係未訓醒, 你未俾返我, 點解OK?

大家過關，除了每月海陸空出入境無限次的天使，其他人全部都大鄉里出城，無登記自助過關。當然即刻好興奮咁登記，不過要3個工作天，趕唔切返黎用（仲要有人搞左勁耐都未登記到）

擾攘完一輪，準時上船，09:30AM 金光飛航
上船之後，即刻有兩個comments: 安全帶好難操作，扣得好實，而且唔多乎合人體工學；冷氣強勁，猶如雪櫃，都係個句：冷氣唔使錢？！
之後就發現有好多小朋友。我再次強調我討厭小朋友，不過在坐車坐船坐飛機的時候，其中一個最好的活動就是睡覺，而偏偏活潑的小朋友就是它的最大剋星，很難讓我眉頭不打結。傳說讀ＩＴ的人有個好無聊的習慣就是要同隔離位ＩＭ。現在這個習慣轉移到手機。不過我們沒染上如斯惡習，我們同前後左右whatsapp是為了要測試　iPhone vs android邊個好用Ｄ。結果在Whatsapp 呢個回合，android 輸左。
說時遲，那時快，我們訓醒一覺就到了澳門。
離開碼頭當然就要找回自己酒店的Shuttle Bus。等呀等，等呀等，結果放棄等shuttle，繼而放棄等的士，坐新濠天地嘅車轉的士以為只有在星洲才有截的士的困難，想不到在澳門一樣，仲要同大陸人爭的士，Ｄ人真係好惡

Check-in 酒店之後當然開始喪食第一站！下篇再講！
P.S. 澳門喪食Trip 其他部分:
Part 2
Part 3
Part 4